QUEN SOMOS

- A NOSA FÁBRICA -

Emdeza é unha fábrica de embutidos e outros produtos cárnicos sita en Lalín, enclave de carne de porco da mellor calidade de Galicia. Fabricamos e comercializamos curados, elaborados e salgados de porco, que manteñen o sabor de sempre pola súa elaboración tradicional.

Os embutidos son a nosa especialidade, onde destacan as diferentes variedades do típico chourizo galego e os ingredientes necesarios para facer un bo cocido.

- A NOSA ORIXE -

As terras da comarca do Deza, no corazón de Galicia, son o lugar de orixe de Emdeza, 
e onde a día de hoxe seguimos a producir os nosos produtos.

A localización e as características climatolóxicas da contorna natural da comarca do Deza propiciaron dende sempre unha agricultura e unha gandería de calidade, onde a carne de porco destaca especialmente.

Sen dúbida, isto trasládase aos nosos produtos en forma de sabor.

- OS NOSOS VALORES DE MARCA -

ELABORACIÓN TRADICIONAL

Conservamos os métodos tradicionais de elaboración que sempre se usaron e que proceden de anos de historia do rural galego: afumamos con leña de carballo, atamos e salgamos de xeito manual e embutimos en tripa natural.

SABOR DE SEMPRE

Elaboramos os nosos produtos con carne de excelente calidade que, xunto co uso de técnicas tradicionais, garante o sabor de sempre, aquel que nos recorda ás cousas ben feitas.

PRODUCCIÓNS COIDADAS E CONTROLADAS

A paixón por un traballo ben feito fai que coidemos e controlemos as nosas producións, e que elaboremos os nosos produtos con agarimo, detalle e atención.